गढ़वाली रचना - देखी सक्दि त देखी ले

                  * देखी सक्दि त देखी ले *
मन कि आँख्यून अफुथैं अफूं देखी सक्दि त देखी ले
घुप अँध्यरा मा बि उज्याळु  देखी सक्दि त देखी ले  |

भितर  अपणू ल्वे   बगद  कै$न कब्बि नि देखी रे
भितर तेरा कतगा सक्या परेखी  सक्दि परेखी ले  |

फेल-पास से कुछ नि होंद  सबसे बड़ी करमों कि जात
हो आज मा तू भोळ अपणू  देखी  सक्दि  त देखी ले  |

अपणा हिस्सा को द्यू अफ्वीं यख बळण पड़द मेरा दिदा
कै$का  सारा कब   तै रैलू अफूं हिटीक त देखी ले  |

दुख कि घाण दिक्क -पराण जीवन का हिस्सा -किस्सा छन
हो पीड़ मा बि  आस देखी सक्दि छैयी त देखी ले  |
    
Copiright रचनाकार व कम्पोजर/गीतकार © संदीप  रावत ,न्यू डांग ,श्रीनगर गढ़वाल |