"श्रीनगर गढ़वाल का गढ़वाळि साहित्यकार अर रंगकर्मी श्री राजीव कगड़ियाल जी को स्वर्गवास "

श्रीनगर : 05/12/2020: एक हौरि दुखद घटना -

"श्रीनगर गढ़वाल का गढ़वाळि साहित्यकार अर रंगकर्मी श्री राजीव कगड़ियाल जी को स्वर्गवास "
     बड़ा दुखै बात च कि - श्रीनगर गढ़वाल का गढ़वाळि साहित्यकार अर रंगकर्मी श्री राजीव कगड़ियाल जी अगास ह्वे ग्येनि। यानि अब वु हमारा बीच नि रैनि। कुछ दिनों बटि वू कि तबियत खराब छै । परसि रात 03 दिसम्बर 2020 खुणी वूं को स्वर्गवास ह्वे ग्ये।
       वु एक गढ़वाळी कवि होणा दगड़ा रंगकर्मी अर हास्य कलाकार बि छायि। वु यख यूनिवर्सिटी मा नौकरी करदा छा अर कतगै पिक्चरों मा वूंन हास्य कलाकारै रूप मा काम करी छौ। भग्यान राजीव कगड़ियाल जी का द्वी गढ़वाळि काव्य संग्रै "उमाळ " अर "कुतग्यळि " प्रकाशित छन।
सरल स्वभौ वळा अर हँसमुख राजीव कगड़ियाल जी कि याद सदानि आणी रालि। 
   भगवान वूं कि आत्मा तैं शांति दियां अर वूंकि सैर्या कुटुमदरि तैं ये दुख तैं सैणै सक्या दिंया। "आखर" समिति अर मेरी तर्फां बटि राजीव कगड़ियाल " रांकु "जी तैं विनम्र श्रद्धांजलि। ॐ शान्ति
                                   संदीप रावत 

                         न्यू डांग ,श्रीनगर गढ़वाल।