अलगवादी अर आतंकवादी तत्वों फर इक चटगताल -© संदीप रावत

     अलगवादी अर आतंकी तत्वों फर एक *चटगताल*
          धारा - 370

ह्वे ग्ये धारा तीन सौ सत्तर, जे. एण्ड के. मा खतम
कन पड़ि चटगताल बड़ी ,अब 'आतंक ' पर चट्टम |
मर्जी नी अब चलण 'तुमारि ',ल्यावा चुसणा चूसा
हत्थ बांधिक राखा, द्याखा ,बैठ्यां रावा वखम |
सब्या धाणि ,लाणू - खाणू ,रैणू  जब यखा कु छौ
क्यांकि छै फिर सुद्दि कि सेक्खी , पत्त प्वड़ौ पत्तम |
नि छौ 'देस'से बड़ाे  कब्बि क्वी बि ,य बात किलै भुलै ? रावा अंक्वैकि 'तुम' निथर,नि रौण ये जुगता वे जुगतम |
              
© संदीप रावत ,न्यू डांग ,श्रीनगर गढ़वाल 05 अगस्त 2019 (जे.के.मा धारा 370 खतम होण परैं )